Նորություններ

Շնորհավորում ենք

Հայաստանի ֆիզիկական կուլտուրայի և սպորտի պետական ինստիտուտի հիմնադրման 75-ամյակի կապակցությամբ` ինստիտուտի ռեկտոր Դավիթ Խիթարյանը մի շարք աշխատակիցների և մարզաշխարհի ներկայացուցիչների պարգևատրեց Հայկ Փարսադանյանի անվան հոբելյանական մեդալով, որոնց թվում էր Հայաստանի հանդբոլի ֆեդերացիայի նախագահ, պրոֆեսոր Հարություն Մելքոնյանը:
Հայաստանի հանդբոլի ֆեդերացիան շնորհավորում է պարոն Մելքոնյանին և մաղթում նորանոր ձեռքբերումներ:

Ուրախալի է Արցախի թիմի մասնակցությունը

Աննախադեպ թվով թիմեր են մասնակցում Երևանում անցկացվող Հայաստանի հանդբոլի պատանեկան առաջնությանը: Մասնակից 10 թիմերը համալրված են հեռանկարային մարզիկներով, որոնք էլ հետագայում կհամալրեն Հայաստանի հավաքական թիմերը: Ուրախալի է այն փաստը, որ 10 թիմերից 5-ը Հայստանի տարբեր մարզերը ներկայացնող թիմերն են` Ալավերդի(մարզիչ` Կ. Պեպանյան), Վանաձոր(մարզիչ Ա. Բարսեղյան), Գավառ(մարզիչ` Վ. սարգսյան), Գյումրի(մարզիչ` Ա. Գրիգորյան) և մասնավորապես Արցախի թիմը(մարզիչ` Վ. Քոչարյան), ինչպես նաև Երևանը ներկայացնող Շենգավիթի թիմը(մարզիչ` Զ. Վանեցյան), ՀԲՄԴ 1-ին թիմը(մարզիչ` Թ. Մինասյան), ՀԲՄԴ 2-րդ թիմը(մարզիչ` Ա. Փանոսյան), ԲԿՄԱ-ի թիմը(մարզիչ` Վ. Աբրահամյան), Նոր-Նորքի մարզադպրոցի թիմը(մարզիչ` Գ. Միքայելյան):

Պետք է հատուկ շնորհակալություն հայտնել Հայաստանի ֆիզիկական կուլտուրայի և սպորտի պետական ինստիտուտի ռեկտոր, պրոֆեսոր Դավիթ Խիթարյանին, որ տրամադրեց ինստիտուտի մարզադահլիճը, վերը նշված միջոցառումը անցկացնելու համար: Ի դեպ Դ. Խիթարյանը միաժամանակ հանդիսանում է նաև Հայաստանի հանդբոլի ֆեդերացիայի նախագահության անդամ:

Ցանկալի կլիներ, որ մեծ թվով թիմերի մասնակիցները նաև տիրապետեին ժամանակակից հանդբոլ խաղի յուրահատուկ տեխնիկական պատրաստությանը, որը ցավոք դեռ հասանելի չև: Բայց մասնակից թիմերի մարզիչները, ինչպես նաև մասնագետները միակարծիք են, որ նման արդյունավետության հասնելու համար հարկավոր է նաև մեր մարզական մեկնաբաններին, հեռուստատեսության ղեկավարներին ավելի շատ ուշադրություն դարձնեն հանդբոլի մրցումների մեկնաբանմանը, հատկապես միջազգային մրցաշարեր ցուցադրելիս: Այս բացը կարծես թե ուզում է լրացնել ԿԳՄՍ-ի փոխնախարար պարոն Կարեն Գիլոյանը, որը մինչև այս պաշտոնին անցնելն էլ ցանկություն ուներ կազմակերպելու մարզական ալիքի բացելու հարցը,որը կարծում ենք այսօրվա հրամայականնա, մարզական աշխատանքները ավելի բարձր մակարդակով լուսաբանելու համար, ինչու չէ նաև ժամանակակից մարզական միջոցառումները տարբեր մարզաձևերից հասանելի դարձնելու մարզական հասրակությանը:

Մրցումների արդյունքների վերաբերյալ կլինի ամենօրյա ինֆորմացիա, որը հասանելի կլինի  նաև մեր կայքում:

Հայտարարություն

Հայաստանի հանդբոլի ֆեդերացիան հայտնում է, որ ՀՀ հանդբոլի Մ-15 տարեկան պատանիների առաջին շրջանի առաջնության վիճակահանությունը տեղի կունենա ս/թ մարտի 4-ին, ժամը՝ 15:30-ին Աջափնյակի մարզադպրոցում: Խնդրում ենք բոլոր թիմերի ներկայացուցիչներին ներկա գտնվել վիճակահանությանը:

ՇՆՈՐՀԱՎՈՐՈՒՄ ԵՆՔ

Եթե այսօր, այս իրավիճակում հանդբոլը Հայաստանում որոշակի մասսայականություն է վայելում, դա կարծում ենք մեր մարզիչների, տարբեր կառույցների ղեկավարների աշխատանքների արդյունքն է: Սակայն այսօր չի կարելի անտեսել այն աշխատանքը, որը կատարվում է հանդբոլի միջազգային կառույցների հետ, ինչն արդեն հանդբոլի ֆեդերցիայի գլխավոր քարտուղար Աննա Մելքոնյանի քրտնաջան, պրպտող աշխատանքի շնորքն է: Չի կարելի չգնհատել այն ձեռքբերումը, որ այսօրվա ստեղծված դժվարին պայմաններում(պանդեմիա, ռազմական դրություն) նա կարողացավ Եվրոպական ֆեդերացիայից <<պոկել>> Սմարթ ծրագրով նախատեսված պրոյեկտ, որից այսօր օգտվում են հանդբոլի մարզիչները, ինչպես նաև մարզական գույք, որով ապահովվում են ՀՀ և Արցախի ինչպես մարզադպրոցները, այնպես էլ հանրակրթական դպրոցները:

Այսօր Աննա Մելքոնյանի խմբագրությամբ հանդբոլի բոլոր մարզիչները օգտվում են հանդբոլի խաղի կաննոները գրքից, մայրենի լեզվով գրված: Պաշտոնական կանոնների հայերեն տարբերակը մրցավարներն, մանկավարժներին, մարզիչներին, ֆիզիկական կուլտուրայի ուսուցիչներին կօգնի ավելի արդյունավետ կազմակերպել հանդբոլի մարզումները, ինչպես նաև մրցումների կազմակերպմանը և անցկացմանը:

Հանդբոլի ֆեդերացիան որոշել է այսուհետ ավելի մեծ ուշադրություն դարձնել հանդբոլի մասնագետների ծննդյան տարեդարձներին, որ հետագայում դառնա ավանդույթ:

Հանդբոլի ֆեդերացիայի նախագահությունը հաշվի առնելով Աննա Մելքոնյանի արժանիքները և խորը հարգանքը, որը վայելում է մասնագետների կողմից, ինչպես նաև տարիների անդուլ աշխատանքը, որի շնորհիվ ձեռք է բերել մեծ անուն ու հեղինակություն, շնորհավորում է ծննդյան տոնի առթիվ և ցանկանում հետագա մասնագիտական նվաճումներ և քաջ առողջություն:

ՀՀ հանդբոլի ֆեդերացիա

Այցերը շարունակվում են

Շարունակվում է Հայաստանի հանդբոլի ֆեդերացիայի նախագահության անդամների, մարզիչների, մրցավարական կազմի այցելությունները Հայաստանի համայնքներ, հանդբոլի զարգացման վիճակը ուսումնասիրելու և հնարավորության սահմաններում գույքի և մասնագիտական գրականությունով ապահովելու համար:

Հերթական այցը կայացավ շաբաթ և կիրակի օրերին Ապարանի համայնք, որի նախաձեռնողը եղավ ֆեդերացիայի փոխնախագահ Արսեն

Մխիթարյանը: Նա այցելել է համայնքի մի շարք հանրակրթական դպրոցներ, ուսումնասիրել նրանց մարզադահլիճների հագեցվածությունը և ընտրվել է 2 կրթօջախներ, որոնք ապահովված են մարզադահլիճով և մարզահրապարակներով: Մի շարք հանդիպումներ է ունեցել կրթօջախի տնօրենների, ֆիզիկական կուլտուրայի ուսուցիչների, համայնքի մարզադպրոցի ղեկավարության հետ և պայմանավորվել է, որ ֆեդերացիան կտրամադրի համապատասխան մարզագույք(դարպասներ, գնդակներ), իսկ իրենք պարտավորվել են ֆիզկուլտուրայի դասերին ընդգրկել հանդբոլի ծրագրով առաջարկվող ուսումնական նյութ, իսկ հետագայում նաև մարզադպրոցում բացել հանդբոլի մասնագիտական խմբեր:

Մարզագույք տրամադրվեց ԿԳՄՍ նախարարության  Ապարանի ֆիզիկա-մաթեմատիկական ավագ դպրոցին(տնօրեն Ն. Բարսեղյան, ֆկ ուսուցիչ Վ. Աբրահամյան) և թիվ 1 հիմնական դպրոցին (տնօրեն Ա. Ալեքսանյան, ֆկ ուսուցիչներ՝ Է. Սարգսյան, Ա. Սաֆարյան):

Հայաստանի հանդբոլի ֆեդերացիայի նախագահությունը կշարունակի իրեն այցերը հանրապետության տարբեր համայնքներ՝ հատկապես սահմանամերձ քաղաքներ, վերը նշված ծրագիրը և հանդբոլի մասսայականությունը զարգացնելու ուղղությամբ:

 

ՀԻՆ ԱՎԱՆԴՈՒՅԹԻ ՎԵՐԱԿԱՆԳՆՄԱՆ ԱԿՆԿԱԼԻՔՈՎ

Վերջին ժամանակները, ինչպես Հայաստանի հանդբոլի ֆեդերացիայի նախագահության նիստում, այնպես էլ գործադիր կոմիտեի և մարզչական խորհրդի համատեղ նիստերում մտահոգություն հնչեցին հանդբոլի վիճակը ք. Գյումրիում վերականգնելու ուղղությամբ: Բոլոր մասնագետները միահամուռ կարծիք հայտնեցին, որ եթե չկա հանդբոլ Գյումրիում, ապա հանրապետությունում հանդբոլի զարգացումը կունենա դժվարություններ: Այդ առումով վերջին տարիներին ֆեդերացիայի նախագահի և նախագահության անդամների նախաձեռնությամբ կազմակերպվեցին մի շարք այցեր ք. Գյումրի: Կազմակերպվեցին հանդիպումներ քաղաքապետ Ս. Բալասանյանի, ինչպես նաև քաղաքի սպորտի պատասխանատուների հետ, որոնք մտահոգված են հանդբոլի վիճակով ք. Գյումրիում, և պատրաստակամ ֆեդերացիայի հետ համատեղ մշակել համագործակցության ծրագիր՝ վերը նշված խնդրին լուծում տալու համար: Չնայած մի շարք միջոցառումների, այդ թվում մարզադպրոցին պարբերաբար մարզական գույքով ապահովելուն, միևնույն է, Երևանում անցկացվող տարբեր միջոցառումների մասնակցությունը Գյումրու մարզադպրոցի կողմից պասիվ էր: Այդ ամենը հաշվի առնելով՝ ևս մեկ այց կազմակերպվեց ֆեդերացիայի նախագահի և նախագահության անդամների մասնակցությամբ:

Փորձեցին ևս մեկ անգամ զրուցել խմդրի շուրջ, որն էլ հետագայում խթան կհանդիսանա հանդբոլի հետագա զարգացմանը Գյումրիում: Առաջարկություն եղավ նաև մեծ ուշադրություն դարձնել հանրակրթական դպրոցներում պետական ծրագրերով  նախատեսված հանդբոլի դասերը պատշաճ մակարդակով անցկացնելու համար, ընտրել մի քանի դպորցներ, որոնք ունեն մինիմալ պայմաններ (խոսքը մարզադահլիճի մասին է), ֆեդերացիայի կողմից տրամադրվող մարզական գրականության մարզական գույքի (դարպասներ, գնդակներ) և հետագայում ընտրված պատանիներին և աղջիկներին ուղղորդել մարզադպրոցներ՝ հանդբոլի մասնագիտական խմբերում ընդգրկվելու համար:

Հաշվի առնելով այն հանգամանքը, որ հանդբոլի մասնագիտական խմբերը գործում են մարզադպրոցում, որը քաղաքի կենտրոնից հեռու է, եղավ առաջարկ դիմել Գյումրու քաղաքապետ պարոն Սամվել Բալասանյանին, ով քաջատեղյակ լինելով  հանդբոլի երբեմնի հաջողություններին (ինքն էլ ուսանողական տարիներին բազմիցս մասնակցել է ուսանողական առաջնություններին) տրամադրել մեկ մարզչի հաստիք Գյումրու խաղերի մարզադպրոցին (տնօրեն Ա. Տիրայան):Այն գտնվում է քաղաքի բանուկ հատվածում, որը կլինի նաև այլընտրանք գործող մարզադպրոցի համար: Ինչպես նաև ընտրել մի շարք հանրակրթական դպրոցներ, որոնք աշակերտները հետագայում կհամալրեն այդ մարզադպրոցի հանդբոլի խմբերը: Այդ ուղղությամբ արդեն ֆեդերացիայի պատվիրակությունը հանդիպում ունեցավ Գյումրու N30 (տնօրեն Կ. Հակոբյան) հանրակրթական դպրոցի տնօրենի հետ և առաջարկվեց սկզբնական ժամանակահատվածում խմբեր ստեղծել այդ դպրոցում:Ֆեդերացիայի կողմից տրամադրվեց մարզական գույք, գրականություն: Իհարկե այս միջոցառումները ամենևին չի նսեմացնի գործող մարզադպրոցի աշխատանքներին, և ֆեդերացիան նույն փութաջանությամբ կշարունակի իր՝ համագործակցությունը գործող մարզադպրոցի հետ:

Ակնկալում է հետագա բոլոր մարզական միջոցառումներին, ինչպես նաև որակավորման դասընթացներին մարզադպրոցի մարզիչների անմիջական ակտիվ մասնակցությունը: Եղավ նաև առաջարկ երկու շահագրգիռ կողմերին գտնել հովանավորներ: Կազմակերպել Շիրակի մարզի հանդբոլի ֆեդերացիայի նախագահի ընտրություն, որն իր աջակցությունը կունենա Գյումրիում հանդբոլի հետագա վիճակը բարելավելու ուղղությամբ:

Վերջում ցանկանում ենք նաև ք. Գյումրիի և ինչու չէ Շիրակի մարզի բոլոր մասնագետներին հրավիրել Հայաստանի ֆիզիկական կուլտուրայի և սպորտի պետական ինստիտուտի մագիստրատուրայում ուսումը շարունակել նոր մասնագիտություններում՝ «Կառավարում» և «Շուկայագիտություն (մարկեթինգ)»:

Saturday the 15th. Pointlink.net. z1news.am Copyright @ 2009-2011 AHF.All Rights Reserved.
Copyright 2012

©


Powered by z1news.am