Նորություններ

Իհարկե մարզվել հնարավոր է

Միգուցե մարզվելու համար լավագույն պայմաններ հնարավոր չէ գտնել, սակայն Հայաստանի հանդբոլի ֆեդերացիայի և մարզչական խորհրդի նախաձեռնությամբ, հաշվի առնելով արտակարգ իրավիճակի պարտադիր պայմանները, մի շարք քաղաքներում՝ Երևանում, Ալավերդիում և Արցախի հանրապետությունում, սկսեցինք մարզումները:

Նպատակը մեկն էր, գոնե չմոռանանք սովորածը և պատրաստ լինենք այն բաղձալի օրվան, երբ կվերանա այս արհավիրքը և նորց մեր բոլոր թիմերը կվերադառնան իրենց սովորական մարզումներին և ինչու չէ, նաև հանրապետության առաջնություններին:

 

 Այս պատասխանատու գործին անդամագրվել են Երևանում՝ Հրաչ Մխիթարյանը, Վոլոդյա Աբրահամյանը, Ալավերդիում՝ Կարեն Պեպանյանը, Արցախում՝ Վարդգես Մխիթարյանը, Վալերիկ Քոչարյանը:

Հայաստանի հանդբոլի ֆեդերացիան կոչով դիմում է մնացած բոլոր կազմակերպություններին, պահպանելով պարետատան հրահանգները, սկսել մարզումային փուլը, այլ պարագայում կկորցնենք այն, ինչ որ ունեինք:

Սիրով կընդունենք նաև Ձեր առաջարկությունները, անցումային այս փուլում միջոցառումների անցկացման վերաբերյալ:

Միաժամանակ հայտնում ենք այն կազմակերպություններին, որոնք չեն ստացել մարզական գույք ֆեդերացիայից, դիմեն անհրաժեշտության դեպքում այն ստանալու համար:

Առողջ եղեք

Հարգանքներով Հարություն Մելքոնյան

Տեսակոնֆերանս

Հուլիսի 14-ին կայացավ տեսակոնֆերանս Հանդբոլի Միջազգային Ֆեդերացիայի կանանց բաժնի հետ: Քննարկվեցին կանանց հանդբոլը ազգային ֆեդերացիաներում, հանդբոլը դպրոցում և փորձեցին անհատականորեն մոտենալ ֆեդերացիաների խնդիրներին: Հայաստանի հանդբոլի ֆեդերացիան ներկայացնում էր գլխավոր քարտուղար Աննա Մելքոնյանը։

ՀՀ հանդբոլի ֆեդերացիան Միջազգային ֆեդերացիայի հետ համագործակցության ծրագրեր ունի,որն ուղղված կլինի կանանց հանդբոլի զարգացմանը մեր հանրապետությունում։

Ուրախալի լուր

Օրերս տեղի ունեցավ հանդբոլի Եվրոպական ֆեդերացիայի կազմակերպչական և մրցավարական հանձնախմբի համատեղ նիստ, որտեղ քննարկվեցին և հաստատվեցին 2021թ․-ի Եվրոպայի տարբեր առաջնություններ սպասարկող մրցավարների և դելեգատների թեկնածուներին։

Ի ուրախություն մեզ՝ մեր հանրապետությունից մասնակցում էին Եվրոպայի հանդբոլի ֆեդերացիայի տեսուչներ՝ ՀՀ վաստակավոր մարզիչ, ֆեդերացիայի փոխնախագահ Արսեն Մխիթարյանը և ֆեդերացիայի գլխավոր քարտուղար Աննա Մելքոնյանը։ Նրանք գերազանց հանձնեցին իրենց առաջադրված հարցաշարը և հաստատվեցին Եվրոպական տեսուչներ՝ հետագա առաջնությունները սպասարկելու համար։

Հաջորդիվ կներկայացնենք ավելի բովանդակալից հաղորդում մեր տեսուչների անցած ուղու վերաբերյալ։

Հանդբոլի ֆեդերացիան շնորհավորում է Արսեն Մխիթարյանին և Աննա Մելքոնյանին ու ցանկանում նորանոր հաջողություններ և բարձրունքներ հանդբոլի Եվրոպական ընտանիքում։

Ցավալի լուր

Կյանքից անժամանակ հեռացավ Հայաստանի հանդբոլի լավագույն մարզիչներից մեկը` Աշոտ Մնացականի Հակոբյանը:

Ա. Հակոբյանը ծնվել է 1956թ. ք. Ալավերդիում: Պատանեկան տարիքից զբաղվել է իր սիրած մարզաձևով` հանդբոլով, և մարզվել 20-րդ դարի լավագույն մարզիչներից մեկի` Օլեգ Գորբունովի մոտ: Ավարտելով Ֆիզիկական կուլտուրայի հայկական պետական ինստիտուտը` անմիջապես անցել է մարզիչ-մանկավարժի աշխատանքին ք. Ալավերդիում: Ա. Հակոբյանը դարձել է հանրապետության չեմպիոն, հանդբոլի հավաքական թիմի կազմում մասնակցել է ԽՍՀՄ առաջնություններին: Իր կողմից ղեկավարած Ալավերդու պատանեկան և մեծահասակների թիմը բազմիցս նվաճել են Հայաստանի չեմպիոնական կոչումները:

Մանկավարժական և մարդկային որակների, վաստակած փորձի և հմտության, իր իսկ նկատմամբ խստապահանջության շնորհիվ նա վայելել է իր սաների և այն կոլեկտիվների սերն ու հարգանքը, որտեղ էլ, որ աշխատել է:

Հայաստանի Հանդբոլի Ֆեդերացիան և հանդբոլային ամբողջ ընտանիքը, մարզասերները, վետերանները ցավակցում են Ա. Հակոբյանի հարազատներին, և հայտնում իրենց զորակցությունը ընտանիքի անդամներին:

Ա. Հակոբյանի հուղարկավորությունը տեղի կունենա ս/թ հուլիսի 1-ին ժամը 14:00 Ալավերդի քաղաքում:

ԱՇԽԱՏԱՆՔՆԵՐԻ ՎԵՐՍԿՍՈՒՄ

Մայիսի 27-ին տեղի ունեցավ տեսակոնֆերանս հանդբոլի Եվրոպայի և ազգային ֆեդերացիաների միջև: Տեսակոնֆերանսի ժամանակ քննարկվեց` հնարավորության առավելագույնով վերսկսել պարապմունքները և ազգային առաջնությունները: Վերակենդանացնել հանդբոլը Եվրոպայում: Միաժամանակ հայտնում ենք, որ հանդբոլի ֆեդերացիայի նախագահը փոխնախագահների հետ համատեղ, ինչպես նաև հանրապետության տարբեր տարիքային հավաքականների մարզիչների հետ միասին մշակում են մարզական միջոցառումների օրացույցային պլանի փոփոխություն, ինչպես նաև ուսումնամարզական հավաքների կազմակերպում:

Աշխատանքային հանդիպում

Այսօր Հայաստանի հանդբոլի ֆեդերացիայում տեղի է ունեցել հանդիպում ֆեդերացիայի գլխավոր քարտուղար, հանդբոլի Եվրոպայի ֆեդերացիայի տեսուչ Աննա Մելքոնյանի և հանդբոլի միջազգային ֆեդերացիայի տեխնիկական տեսուչ,  Արգենտինայի ներկայացուցիչ Թեդի Աջեմյանի միջև։ Մասնագետները միասին զրուցեցին Հայաստանում հանդբոլի ներկայիս վիճակի մասին, այնուհետև զրուցեցին և փորձեցին լուծումներ գտնել հետագայում միջազգային ասպարեզում տեսնել նաև հայ մրցավարների։ Պարոն Աջեմյանն իր աջակցությունը առաջարկեց ամեն կերպ խթանել հանդբոլի զարգացմանը Հայաստանում։ Այցը մասնավոր էր և նախօրոք պլանավորած չէր։

Friday the 22nd. Pointlink.net. z1news.am Copyright @ 2009-2011 AHF.All Rights Reserved.
Copyright 2012

©


Powered by z1news.am