Նորություններ

ԸՆԴԱՌԱՋ ՀԱՆՐԱՊԵՏԱԿԱՆ ԱՌԱՋՆՈՒԹՅՈՒՆՆԵՐԻՆ

Հոկտեմբերի 05-ին Ֆիզիկական կուլտուրայի և սպորտի պետական ինստիտուտի մարզախաղերի ամբիոնում տեղի ունեցավ ՀՀ հանդբոլի հանրապետական առաջնությունների, եզրափակիչ խաղերին ընդառաջ հանդիպում, մրցավարական անձնակազմի հետ:

Հանդբոլի Ֆեդերացիան հրավիրել էր սեմինար հանդիպում Ֆեդերացիայի մրցավարական հանձնաժողովի նախագահ Ալեքսանդր Արևշատյանի և եվրոպական կարգի տեսուչ, ֆեդերացիայի միջազգային կապերի պատասխանատու Աննա Մելքոնյանի գլխավորությամբ: Հանդիպմանը ներկա էին ինչպես ավագ սերնդի, այնպես էլ երիտասարդ մրցավարական կազմերը:

Հանդիմպան նպատակն էր, որպեսզի մրցավարական կազմի հետ անցկացվեր նախապատրաստական աշխատանքներ՝ եզրափակիչ առաջնությունները լավագույն անցկացնելու համար։

Քննարկումներ տեղի ունեցան ավագ և սկսնակ մրցավարների միջև։ Պարզաբանվեցին մրցավարներին հուզող հարցերը։

Հնչեցին նաև առաջարկներ մրցավարների կողմից։ Հնչածներից կարևորագույնը այն էր, որ մրցաշարից առաջ տեսական և ֆիզիկական քննություն անցկացվի մրցավարների միջև, և այդ սկզբունքով էլ որոշվի մրցավարական կազմը։

Նմանատիպ հանդիպումների հիմնական նպատակն այն է, որ փորձառու մրցավարներն իրենց փորձով կիսվեն սկսնակ մրցավարների հետ, և վերջիններն էլ լավագույնս ներկայանան հանրապետական առաջնություններին։

ԱՎԱՐՏՎԵՑ ՕԼԵԳ ԳՈՐԲՈՒՆՈՎԻ ԱՆՎԱՆ ՄԻՋԱԶԳԱՅԻՆ ՄՐՑԱՇԱՐԸ

Ս/թ սեպտեմբերի 25-29-ը ք. Ալավերդիում անցկացվեց Օլեգ Գորբունովի անվան հանդբոլի միջազգային մրցաշար, որին մասնակցում էին վեց թիմեր: Մրցաշարն անցկացվեց երկու ենթախմբով՝ Մելիտոպոլ(Ուկրաինա), Ալավերդի(Հայաստան), 2004-05թթ. ծնված պատանիների հավաքական 2-րդ թիմ(Հայաստան) և երկրորդ ենթախումբ՝ Մելիտոպոլի 3-րդ մարզադպրոց(Ուկրաինա), 2004-05թթ. ծնված պատանիների հավաքական 1-ին թիմ(Հայաստան) և Գորի(Վրաստան): 

Մրցաշարը սպասարկում էին Ուկրաինայի միջազգային մրցավարներ՝ Ռուսլան Պերեպելցինը և Յուրա Անդրուսենկոն, իսկ խաղերի գլխավոր մրցավարն էր՝ Անդրեյ Կոլաչովը, ով նույնպես Ուկրաինայի ներկայացուցիչ էր:

Մրցանակային տեղեր զբաղեցրեցին՝

1. Մելիտոպոլ(Ուկրաինա)

2. Ալավերդի (Հայաստան)

3. Հավաքական 1-ին թիմ(Հայաստան)

Մրցաշարի վերջում կազմվեց խորհրդանշական հավաքական թիմ՝ հետևյալ հերթականությամբ՝

Լավագույն դարպասապահ՝ Քեհյան Էդմոն (Հայաստան)

Լավագույն ձախ անկյուն՝ Գեորգի Տեդմաշվիլի (Գորի)

Լավագույն ձախ կիսամիջին՝ Գուբենկո Կիրիլ (Մելիտոպոլ)

Լավագույն կենտրոն խաղացող Նիկիտա Մամոյ (Մելիտոպոլ)

Լավագույն աջ կիսամիջին՝ Արման Մովսեսյան (Հայաստան 2)

Լավագույն աջ անկյուն՝ Իվան Գոլդև (Մելիտոպոլ 3-րդ մարզադպրոց)

Լավագույն խաղացող՝ Գագիկ Հովհաննիսյան(Ալավերդի)

Ավանդույթը շարունակվում է

Հայաստանում առաջին անգամ հանդբոլ խաղալու փորձեր արվեց 1957թվականին, որտեղ Հայաստանի թիմը Վորոնեժ քաղաքում մասնակցեց համամիութենական առաջնությանը (11x11), իսկ 1960թվականից` 7x7 հանդբոլը: Այդ թվականից էլ Ալավերդի քաղաքում իրենց առաջին քայլերն են անում հանդբոլի սիրահարները, որոնց հետ էլ մինչև կյանքի վերջ հանդբոլը զարգացրեց Հայաստանում առաջին սպորտի վարպետ, մեծ մանկավարժ Օլեգ Գորբունովը, որի հիշատակին  Ալավերդու քաղաքապետարանի, մասնավորապես իր անունով անվանակոչված մարզադպրոցի կոլեկտիվը, հանդբոլի հանրապետական ֆեդերացիան անց են կացնում միջազգային պատանեկան հանդբոլի մրցաշար:

Նշելով Օ. Գարբունովին, չի կարելի չառանձնացնել մի շարք հանդբոլիստների, որոնք երկար ժամանակ համալրել են Հայաստանի հավաքական թիմերը և պատվով շարունակել իրենց մանկավարժի աշխատանքը, հանդբոլի զարգացման և մասսայականացման գործում: Նրանք են` Նորիկ Փարեմուզյանը, Ռաֆիկ Մաթևոսյանը, Գևորգ Չերքեզյանը, Գագիկ Սաֆարյանը, Աշոտ Հակոբյանը, Վլադիմիր Տուրաբովը, Զազա Մաթևոսյանը և թող մնացածը ներողամիտ լինեն, որոնց չենք հիշատակել:

Եվ հատկապես իմ շնորհակալությունն եմ հայտնում այսօրվա ՀՀ պատանիների  հավաքականի մարզիչ Կարեն Պեպանյանին , որի նախաձեռնությամբ էլ շարունակվում է ավանդույթը և անց է կացվում իրենց մանկավարժի անվամբ միջազգային մրցաշարը: Այս տարի մրցաշարը անց է կացվելու 2019թ. հոկտեմբերի 25-29ը, որին հայտ է ներկայացրել մասնակցելու 2 ուկրաինական, մեկ վրացական թիմեր, ինչպես նաև ՀՀ պատանեկան հավաքականը, Ալավերդու թիմը: Միջազգային մրցաշարի ընթացքի և արդյունքների մասին պարբերաբար կցանոթանանք հանդբոլի ֆեդերացիայի կայքի և ֆեյսբուքյան էջի միջացով: Ավելացնեմ նաև, որ  մրցաշարի գլխավոր մրցավար է նշանակվել միջազգային կարգի մրցավար Ալեքսան Արևշատյանը:

Եվ վերջում ՀՀ հանդբոլի ֆեդերացիան իր շնորհակալությունն է հայտնում այն մարզադպրոցների տնօրեններին և մարզիչներին, որոնք անմիջական մասնակցությունն ունեցան ՀՀ հավաքական թիմի կոմպլեկտավորման աշխատանքներին` Շենգավիթի մարզադպրոց (տնօրեն Դ. Ֆահրադյան, մարզիչներ Հ. Մխիթարյան, Զ. Վանեսյան), հանդբոլի մասնագիտական դպրոց(տնօրեն Է. Օհանյան, մարզիչ`Ա. Անտոնյան), Ստեփանակերտի մարզադպրոց( մարզիչ` Վ. Մխիթարյան), Գավառի մարզադպրոց(տնօրեն` Ս. Վարդանյան, մարզիչ` Վ. Սարգսյան), Վանաձորի մարզադպրոց(տնօրեն` Գ. Գևորգյան, մարզիչ` Ա. Բարսեղյան), Ալավերդու մարզադպրոց ( մարզիչ` Կ. Պեպանյան):

Բարի երթ մրցաշարի անցկացմանը , Աստված Ձեզ պահապան:

ՀՀ հանդբոլի ֆեդերացիայի նախագահ Հարություն  Մելքոնյան

2019թ. 2-րդ կիսամյակի մարզական միջացառումների օրացույցային պլան


ՕՐԱՑՈՒՅՑԱՅԻՆ ՊԼԱՆ

 2019Թ. II ԿԻՍԱՄՅԱԿԻ ՄԱՐԶԱԿԱՆ ՄԻՋՈՑԱՌՈՒՄՆԵՐԻ

N

 Միջոցառման անվանումը

Վայրը

Ժամկետը

Մասնակցող կազմակերպությունները

1

Ուսումնամարզական հավաք և մասնակցություն միջազգային մրցաշարի

ք. Ալավերդի

23-29.09.2019

ՀՀ. Հավաքական թիմեր

2

ՀՀ 17տ. Պատանիների առաջնություն, 2-րդ շրջան

ք. Երևան

18-23.10.2019

Մարզակումբներ, ՄՊՄԴ-ներ և մարզերի հավաքականներ

3

ՀՀ 15տ. Աղջիմների առաջնություն

ք. Երևան

24-29.10.2019

Մարզակումբներ, ՄՊՄԴ-ներ և մարզերի հավաքականներ

4

ՀՀ 17տ. Պատանիների առաջնություն, եզրափակիչ

ք. Վանաձոր

7-10.11.2019

Եզրափակչի 4 թիմեր

5

ՀՀ 15տ. Պատանիների առաջնություն, եզրափակիչ

ք. Ալավերդի

31.10-3.11.2019

Եզրափակչի 4 թիմեր

6

ՀՀ տղամարդկանց առաջնություն

ք. Երևան

12-17.11.2019

Մարզակումբների հավաքական թիմեր

7

Ուսումնամարզական հավաք տղամարդկանց հավաքական թիմի համար

նշանակովի

 

ՀՀ տղամարդկանց հավաքական թիմ

 

Պարգևատրվեց հանդբոլի ֆեդերացիայի նախագահը

Սեպտեմբերի 13-ին ՀՊՏՀ-ում տեղի ունեցավ Հայաստանի ուսանողական մարզական ֆեդերացիայի 25-ամյակի և արտահերթ ներկայացուցչական ընդհանուր ժողովը:

 

Միջոցառմանը ներկա էին ՀՊՏՀ-ի ռեկտորի ժամանակավոր պաշտոնակատար Դիանա Գալոյանը, Հայաստանի ֆիզիկական կուլտուրայի և սպորտի պետական ինստիտուտի ռեկտորի ժամանակավոր պաշտոնակատար Դավիթ Խիթարյանը, ՀՀ հանդբոլի ֆեդերացիայի նախագահ Հարություն Մելքոնյանը, տարբեր մարզական ֆեդերացիաների և ՀՀ օլիմպիական կոմիտեի ներկայացուցիչներ: Ներկայացուցչական միջոցառմանը ներկա էին նաև Եվրոպական համալսարանական սպորտի ասոցիացիայի նախագահ Ադամ Ռոշեկը և գլխավոր քարտուղար Մաթիաս Պեչովնիկը:

Բացի կոնֆերանսի ելույթներից, հոբելյանական միջոցառումը շարունակվեց պարգևատրմամբ: Հայաստանի ուսանողական սպորտի զարգացման գործում մեծ ավանդ ունեցած անձանց՝ ԲՈՒՀ-երի ֆիզդաստիարակության ամբիոնների վարիչներին, դասախոսներին, մարզիչներին, տարբեր  մարզաձևերի ֆեդերացիաների ներկայացուցիչներին և ՀՀ օլիմպիական կոմիտեին:

Հայաստանի ուսանողական սպորտի զարգացման գործում մեծ ավանդ ունենալու համար պարգևատրվեց նաև ՀՀ հանդբոլի ֆեդերացիայի նախագահ Հարություն Մելքոնյանը: 

Ուսանողական մարզական ֆեդերացիայի ներակայացուցչական ընդհանուր ժողովն ավարտվեց ՀԿ նախագահ Ռազմիկ Ստեփանյանի հրաժարականի քննարկմամբ և նոր նախագահի ընտրությամբ:

Ուսանողական մարզական ֆեդերացիայի նախագահի ընտրությունն անցկացվեց բաց քվեարկությամբ, որտեղ միաձայն նախագահ ընտրվեց Հովհաննես Գաբրիելյանը:

ՀՀ հանդբոլի ֆեդերացիան շնորհավորում է Հովհաննես Գաբրիելյանին՝ մաղթելով բեղմնավոր աշխատանք և նորանոր ձեռքբերումներ, ինչպես նաև շնորհավորում ենք  ՖԿՀՍՊ-ի ռեկտորի պաշտոնակատար, ձյուդոյի միջազգային կարգի մրցավար, պրոֆեսոր Դավիթ Խիթարյանին պարգևատրվելու կապակցությամբ:

ՀԱՅՏԱՐԱՐՈՒԹՅՈՒՆ

Ս/թ օգոստոսի 25-ից սեպտեմբերի 25-ը Հայաստանի ֆիզիկական կուլտուրայի և սպորտի պետական ինստիտուտում կատարվում է հեռակա ֆակուլտետի ուսանողների գործերի ընդունում:

ՀՀ հանդբոլի ֆեդերացիան հրավիրում է բոլոր ցանկացողներին մասնակցելու ընդունելության քննություններին:

Ձեզ հետաքրքրող հարցերի համար կարող եք զանգահարել 094111324 հեռախոսահամարով և ստանալ մանրամասն տեղեկություններ:

ՀՀ հանդբոլի ֆեդերացիա

Tuesday the 4th. Pointlink.net. z1news.am Copyright @ 2009-2011 AHF.All Rights Reserved.
Copyright 2012

©


Powered by z1news.am