Նորություններ

Ցուրտ դահլիճ, թեժ պայքար

Հինգշաբթի, 14 Նոյեմբեր 2019 12:17

<<Օլիմպիական ապագա>> մարզադահլիճում սկսվեց մեծահասակների ՀՀ առաջնությունը: Որտեղ մասնակցում են 6 թիմեր, որոնք շրջանաձև համակարգով 5 օրյա պայքարում կվորոշեն հաղթողի կոչումը: 

Վերջերս եղանակի կտրուկ իջեցում բավականին դժվարություններ էր ստեղծել դահլիճի պայմաններին, որը սակայն կոմպենսացվեց բոլոր հանդիպումների թեժ պայքարով:  Ներկա մասնագետների կարծիքն էր, որ կարծես թե թիմերը բավականին լուրջ են նախապատրաստվել առաջնությանը, որը կարծես թե առաջին օրվա հանդիպումների հածիվներում այնքան էլ չարտացոլվեց: Ֆեդերացիայի նախագահության անդամների մտահոգությունը մրցավարների վերաբերյալ, շտկեցին մրցումների գլխավոր մրցավարներ Արսեն Մխիթարյանը, Սաշիկ Արևշատյանը, ազգային կարգի մրցավար Էդուարդ Օհանյանը, Հրաչ Մխիթարյանը, Մարկ Մելիքյանը, որոնք անմիջական մասնակցություն ունեցան ակտիվ մրցավարությունում:

Ցանկալի է նաև, որ մրցաշարին ներկա լինեն նաև սպորտի պատասխանատուները, որոնք ավելի լավ պատկերացում կունենան հանդբոլ մարզաձևի ներկա վիճակին: Այժմ մեր մարզասերներին ենք ներկայացնում առաջնության 1-ին օրվա հանդիպումների արդյունքները:

ք. Ալավերդի  -Պոլիտեխնիկ 44-24

ք. Գավառ - Արցախ 33-39

ք. Վանաձոր - Չարբախ 48-36

Հանդբոլի ֆեդերացիա 

Մեկնարկում է հանդբոլի տղամարդկանց առաջնությունը

Երեքշաբթի, 12 Նոյեմբեր 2019 15:01

Նոյեմբերի 12-ից մեկնարկում է ՀՀ հանդբոլի տղամարդկանց բարձրագույն խմբի առաջնությունը, որն անցկացվելու է <<Օլիմպիական ապագա>> (նախկին բարձրագույն վարպետության մարզադպրոց) մարզադահլիճում: Առաջնությանը մասնակցում են հետևյալ թիմերը.

ք. Ալավերդի

ք. Վանաձոր

Արցախ

ք. Գավառ

Չարբախ

Պոլիտեխնիկ 

Ներկայացնում ենք առաջնության խաղացանկը` 

13.11.2019թ.

15:00 ք. Ալավերդի - Պոլիտեխնիկ 44-24

16:15 ք. Գավառ - Արցախ                33-39

17:30 ք. Վանաձոր - Չարբախ         48-36

14.11.2019թ.

15:00  Պոլիտեխնիկ - ք. Գավառ

16:15  ք. Ալավերդի - ք. Վանաձոր

17:30 Չարբախ - Արցախ

15.11.2019թ.

15:00 ք. Վանաձոր - Պոլիտեխնիկ

16:15 Արցախ - ք. Ալավերդի

17:30 ք. Գավառ - Չարբախ

16.11.2019թ.

11:00 Պոլիտեխնիկ - Չարբախ

12:15 ք. Ալավերդի - ք. Գավառ

13:30 ք. Վանաձոր - Արցախ

17.11.2019թ. 

11:00 Արցախ - Պոլիտեխնիկ

12:15 ք. Գավառ - ք. Վանաձոր

13:30 Չարբախ - ք. Ալավերդի

Մրցավարական խանձնախումբ       

Ավարտվեց 17տ պատանիների եզրափակիչ առաջնությունը

Երկուշաբթի, 11 Նոյեմբեր 2019 14:44

Ս/թ նոյեմբերի 7-10-ը Վանաձորի մարզապալատում անցկացվեց հանդբոլի 17տ պատանիների եզրափակիչ առաջնությունը: Նախնական խաղերում 4-ը լավագույն տեղեր գրաված թիմերի միջև (ԽՄՕՄՄ, ք. Վանաձոր, ք. Ալավերդի, Հանդբոլի մասնագիտացված մարզադպրոց): Բոլոր խաղային օրերն էլ առանձնացվեց բարդ խաղային պայքարում:

Ականատես մասնագետների և հատկապես ՀՀ հավաքականի ավագ մարզիչ Հրաչյա Մխիթարյանի կարծիքը միանշանակ մեկն էր, որ բոլոր մասնակից թիմերը առանձնանում էին իրենց տեխնիկա-տակտիկական պատրաստությամբ և 3-օրյա մրցակցությունից հետո նաև կազմվեց երիտասարդական հավաքականի թեկնածուների կազմը:

3-օրյա համառ պայքարից հետո թիմերը գրավեցին հետևյալ տեղերը.

1-ին տեղ -ԽՄՕՄՄ

2-րդ տեղ - ք. Վանաձոր

3-րդ տեղ - ք. Ալավերդի

4-րդ տեղ - Հանդբոլի մարզադպրոց

Ֆինանսական որոշ հարցեր պարզելուց հետո տղաների հավաքականը կմասնակցի Ուկրաինայում անցկացվելիք միջազգային մրցաշարին:

ՀՀ հանդբոլի ֆեդերացիա

Հաջողությունների ակնկալիքով

ՈՒրբաթ, 01 Նոյեմբեր 2019 13:47

Ս/թ հոկտեմբերի 31-ին նախկին Սպորտի նախարարության նիստերի դահլիճում տեղի ունեցավ Հայաստանի հանդբոլի ֆեդերացիայի նախագահության նիստ՝հետևյալ օրակարգով.

1.     Ֆեդերացիայի նոր կանոնադրության քննարկում և հաստատում

2.    Կազմակերպչական հարցեր

Օրակարգի 1-ին հարցի վերաբերյալ ելույթ ունեցավ ֆեդերացիայի նախագահ Հարություն Մելքոնյանը, ովնշեց, որ նոր կանոնադրությունը շուրջ 3 ամիս է ներառված էր ֆեդերացիայի պաշտոնական կայքում, ինչպես նաև ուղարկվել է բոլոր շահագրգիռ կազմակերպություններին՝առաջարկություններ ստանալու ակնկալիքով: Կանոնադրությունը կազմվել է համաձայն հասարակական կազմակերպությունների մասին օրենքի պահանջներին: Առաջարկված կանոնադրությունը միաձայն ընդունվեց նախագահության կողմից և առաջարկվեց ներկայացնել պետռեգիստր` հաստատվելու համար: Այնուհետև Հ. Մելքոնյանիկողմից եղավ առաջարկություն, ֆեդերացիայի նախագահի տեղակալներ վերահաստատել Աշոտ Ղազարյանին, Էդուարդ Օհանյանին, Արսեն Մխիթարյանին, ինչընույնպես քվեարկությունով հաստատվեց: Նախագահի կողմից նաև եղավ առաջարկ ֆեդերացիայի գլխավոր քարտուղարի թեկնածու առաջադրելու հարցը, որտեղ առայժմ չգտնվեց հարմար թեկնածու: Իսկ ֆեդերացիայի միջազգային կապերի պատասխանատու Աննա Մելքոնյանը, որը միաժամանակ հանդիսանում է հանդբոլի Եվրոպական ֆեդերացիայի մրցավար-դելեգատ, բարեխղճորեն կատարում է միջազգային և Եվրոպական ֆեդերացիաների հետբոլորնամակագրություններըև միջազգային բոլոր հարցերը: Ֆեդերացիայի նախագահության նիստում հաստատվեց նաև ֆեդերացիայի հետևյալ հանձնախմբերն իրենցնախագահներով.

Մարզչական հանձնախումբ – Գևորգյան Սերգեյ

Մրցավարական հանձնախումբ – Արևշատյան Ալեքսան

Կարգապահական հանձնախումբ – Մելիքյան Մարկ

Ֆեդերացիայի նախագահի կողմից հաստատման դրվեց մարզչական հանձնախմբիկողմից ներկայացված Հայաստանի տղամարդկանց և երիտասարդական հավաքականի հետևյալ մարզչական կազմը.

Տղամարդիկ – Մխիթարյան Հրաչ, Աբրահամյան Վոլոդյա

Պատանիներ – Պեպանյան Կարեն, Մխիթարյան Վարդգես

Անդրադարձ եղավ նաև աղջիկների հանդբոլին, հնչեցին կարծիքներ և առաջարկներ, որոնք միաձայն ընդունվեցին նախագահության անդամների կողմից: Որոշվեց, որ շատ լուրջ հանձնարարականներ պետք է տրվեն մարզադպրոցներին, մարզական ակումբներին, ինչպես նաև պետք է մշակվեն ծրագրեր, կոնկրետ աղջիկների հանդբոլի վիճակը լավացնելու ուղղությամբ:

Պ-ն Մելքոնյանի կողմից եղավ նաև առաջարկություն վերանայելու նախագահության կազմը և առաջարկություն եղավ, որ որոշ անդամներ, որոնք ընդգկրվել էին ըստ իրենց պաշտոնի, շնորհակալություն հայտնել համատեղ աշխատանքի համար: Առաջարկվեց նախագահության կազմից հանել Կարեն Մանուկյանին (Շիրակի մարզի հանդբոլի ֆեդերացիայի նախագահ), Արայիկ Աբրահամյանին(Շենգավիթի համալիր մարզադպրոցի տնօրեն) և նախագահության անդամ հաստատել Հայաստանի ֆիզիկական կուլտուրայի և սպորտի պետական ինստիտուտի ռեկտորի ժամանակավոր պաշտոնակատարԴավիթ Խիթարյանին:

Ամերիկայի Միացյալ Նահանգների հանդբոլի աշխատանքների համակարգող, նախագահ Արման Իսրայելյանին, որը հաստատվեց միաձայն:

Օրակարգի հարցերնավարտելուց հետո ֆեդերացիայի նախագահ Հ. Մելքոնյանը նախագահության անդամներին ներկայացրեց անցած 10 ամիսներին կատարած աշխատանքների մասին հաղորդում, որի առնչությամբ նախագահության անդամների կողմից եղան կոնկրետ առաջարկություններ (Արամ Կարապետյան, Արսեն Մխիթարյան), մշակել ծրագիր հանդբոլի հետագա վիճակի բարելավման վերաբերյալ և կոնկրետ հանձնարարություն, ֆեդերացիայի փոխնախագահներ Ա. Մխիթարյանին և Է. Օհանյանին մշակել լայնածավալ ծրագիր և կազմակերպել սեմինար-խորհրդատվություն, հանրապետությունում աշխատող բոլոր մարզիչների, մրցավարների, կազմակերպությունների ղեկավարների մասնակցությամբ: Նախագահության նիստում նաև եղավ կոնկրետ առաջարկություն` դիմել Հայաստանի ազգային օլիմպիական կոմիտեին, ԿԳՄՍ նախարարությանը և Երևան քաղաքի ղեկավարությանը` ֆեդերացիայի անդամներ Կառլեն Սարգսյանին, Վանիկ Սարգսյանին, Ռիտա Հովակիմյանին ծննդյան 80 և 75-ամյակների կապակցությամբ արժանացնել որևիցեգերատեսչական պարգևի:

Հայաստանի հանդբոլի ֆեդերացիա

Հայտարարություն

Երեքշաբթի, 29 Հոկտեմբեր 2019 21:31

ՀՀ հանդբոլի ֆեդերացիան հայտնում է, որ ս/թ հոկտեմբերի 31-ին, ժամը 18:00 նախկին Սպորտի նախարարության նիստերի դահլիճում(Աբովյան 9) տեղի կունենա ֆեդերացիայի նախագահության նիստ հետևյալ օրակարգով.

1. Նոր կանոնադրության քննարկում և հաստատում

2. Կազմակերպչական հարցեր

Ֆեդերացիան խնդրում է նախագահության բոլոր անդամներին ներկա լինել նախագահության նիստին։

ՀՀ հանդբոլի ֆեդերացիա