Նորություններ

ԱՇԽԱՏԱՆՔՆԵՐԻ ՎԵՐՍԿՍՈՒՄ

Կիրակի, 31 Մայիս 2020 16:27

Մայիսի 27-ին տեղի ունեցավ տեսակոնֆերանս հանդբոլի Եվրոպայի և ազգային ֆեդերացիաների միջև: Տեսակոնֆերանսի ժամանակ քննարկվեց` հնարավորության առավելագույնով վերսկսել պարապմունքները և ազգային առաջնությունները: Վերակենդանացնել հանդբոլը Եվրոպայում: Միաժամանակ հայտնում ենք, որ հանդբոլի ֆեդերացիայի նախագահը փոխնախագահների հետ համատեղ, ինչպես նաև հանրապետության տարբեր տարիքային հավաքականների մարզիչների հետ միասին մշակում են մարզական միջոցառումների օրացույցային պլանի փոփոխություն, ինչպես նաև ուսումնամարզական հավաքների կազմակերպում:

Աշխատանքային հանդիպում

ՈՒրբաթ, 13 Մարտ 2020 19:29

Այսօր Հայաստանի հանդբոլի ֆեդերացիայում տեղի է ունեցել հանդիպում ֆեդերացիայի գլխավոր քարտուղար, հանդբոլի Եվրոպայի ֆեդերացիայի տեսուչ Աննա Մելքոնյանի և հանդբոլի միջազգային ֆեդերացիայի տեխնիկական տեսուչ,  Արգենտինայի ներկայացուցիչ Թեդի Աջեմյանի միջև։ Մասնագետները միասին զրուցեցին Հայաստանում հանդբոլի ներկայիս վիճակի մասին, այնուհետև զրուցեցին և փորձեցին լուծումներ գտնել հետագայում միջազգային ասպարեզում տեսնել նաև հայ մրցավարների։ Պարոն Աջեմյանն իր աջակցությունը առաջարկեց ամեն կերպ խթանել հանդբոլի զարգացմանը Հայաստանում։ Այցը մասնավոր էր և նախօրոք պլանավորած չէր։

Խոսք շնորհավորանքի

Հինգշաբթի, 20 Փետրվար 2020 10:01

Լրացավ մարզաշխարհի վաստակաշատ մասնագետ Դավիթ Խիթարյանի ծննդյան 50 ամյակը:

Որպես ղեկավար նա շրջահայաց է, ակտիվ, նախաձեռնող ու կազմակերպիչ, որպես մարդ անբասիր, նա կարգուկանոնի սիրահար է, բոլոր հարցերում օրինապաշտ:

Հանդբոլի ֆեդերացիա շնորհավորում է նախագահության անդամ Դավիթ Խիթարյանին ծննդյան օրվա կապակցությամբ, մաղթում քաջառողջություն, ստեղծագործական նորանոր հաջողություններ, ընտանեկան երջանկություն, աշխատանքային նորանոր ձեռքբերումներ և վերելքներ:

Ֆեդերացիայի նախագահ Հարություն Մելքոնյան

Գործնական հանդիպում

Երկուշաբթի, 10 Փետրվար 2020 12:28

Ս/թ փետրվարի 7-ին տեղի ունեցավ գործնական հանդիպում, որին մասնակցում էին նախագահ Հարություն Մելքոնյանը, փոխնախագահ Արսեն Մխիթարյանը և հանձնաժողովի անդամները: Քննարկման դրվել էր ՀՀ հանդբոլի առաջնությունների անցկացման կանոնակարգը, որը բովանդակալից կազմվել էր Արսեն Մխիթարյանի կողմից, որտեղ ընդգրկված էր բոլոր այն առաջնությունները, որոնք առաջ էին քաշվել Վանաձորում անցկացված գործադիր կոմիտեի նիստի ժամանակ: Մեկ անգամ էլ մանրամասն անդրադառնալով կանոնակարգի հարցերին, ֆեդերացիայի նախագահը իր շնորհակալությունը հայտնեց փոխնախագահին արդյունավետ և մեծ աշխատանք կատարելու կապակցությամբ: Հանդիպման ընթացքում նաև անդրադարձ եղավ մնացած այն հարցերին, որոնք շոշափվել էին սեմինար խորհրդակցության ընթացքում: Բոլոր առաջարկված հարցերի վերաբերյալ եղավ կոնկրետ որոշումներ, որոնք հասանելի կլինեն բոլոր շահագրգիռ կազմակերպություններին` ինչպես գրավոր, այնպես էլ էլեկտրոնային տարբերակով: Միաժամանակ քննարկվեց գործկոմի անդամների թեկնածուների հարցը, ինչպես նաև ֆեդերացիայի անդամ դառնալու անդամավճարների մուծման կարգը: Հանձնարարություն եղավ մրցավարական հանձնաժողովի նախագահին, սեմինար-խորհրդակցություն անցկացնելու վերաբերյալ:

Արդյունավետ հանդիպում

Հինգշաբթի, 30 Հունվար 2020 11:24

Ս/թ հունվարի 25-26-ը Վանաձոր քաղաքում Հայաստանի հանդբոլի ֆեդերացիայի գործկոմի անդամների և Հայսատանի տղամարդկանց հավաքական թիմերի մարզիչների, ֆեդերացիայի մարզչական , մրցավարական և կարգապահական կոմիտեների նախագահների համատեղ երկօրյա սեմինար խորհրդակցություն: Օրագարգում հետևյալ հարցերն էին`

•  Նիստի բացում, հայ-ֆրանսիական համագործակցության ծրագիր` զեկ. Հ. Մելքոնյան
• Մրցումների կանոնադրությունների քննարկում և հաստատում` զեկ. Ա. Մխիթարյան
• Կարգապահական հանձնաժողովի հաշվետվություն` զեկ. Մ. Մելիքյան
• Մրցավարական հանձնաժողովի հաշվետվություն, հետագա աշխատանքների կազմակերպում` զեկ. Ա. Արևշատյան
• Միջազգային մրցաշարերի մասնակցության հաշվետվություն` զեկ. Կ. Պեպանյան, Վ. Մխիթարյան
• Մարզչական հանձնաժողովի աշխատանքների քննարկում` զեկ. Ս. Գևորգյան
• Հավաքական թիմերի աշխատանքների քննարկում, միջազգային մրցաշարերի և Եվրոպայի առաջնությունների մասնակցության քննարկում, 4 տարվա հեռանկարային պլանի կազմում` զեկ. Հ. Մխիթարյան
• 2020թ. օրացուցային պլանի քննարկում
• Մրցումների անցկացման վայրերի քննարկում` զեկ. Է. Օհանյան
• ՀՀ հանդբոլի ֆեդերացիայի անդամության վճարների քննարկում և հաստատում` զեկ. Հ. Մելքոնյան
• Մարզական գույքի բաշխման ցուցակի հաստատում` զեկ. Հ. Մելքոնյան
• Այլ հարցեր
• 

Ի դեպ նման համաժողովը կազմակերպվեց ֆեդերացիայի նախագահ Հ. Մելքոնյանի և փոխնախագահ Ա. Մխիթարյանի նախաձեռնությամբ, որը միաժամանակ ֆեդերացիայի նախագահության հոկտեմբերի 31-ի որոշման իրագործումն էր: Երկօրյա սեմինար խորհրդակցությունը բավականին բովանդակալից էր ըստ հարցերի քննարկումներով և կոնկրետ առաջարկություններով: Խորհրդակցության մասնակիցների կողմից առաջարկված հարցերի վերաբերյալ ընդունված կանոնակարգերը, որոշումները և առաջարկությունները մեկ անգամ ևս խմբագրելուց հետո, կուղարկվի բոլոր շահագրգիռ կազմակերպություններին, որոնք հետաքրքրված են հանդբոլի հետագա զարգացմամբ: 
Փոխնախագահ Ա. Մխիթարյանի կողմից եղավ նաև առաջարկություն, որ ֆեդերացիայի կայքում մանրամասն ներկայացվի հանդբոլի հանրությանը, միջազգային դելեգատներ Աննա Մելքոնյանի և Արսեն Մխիթարյանի կողմից մասնակցած միջազգային պաշտոնական առաջնություններում կատարած աշխատանքների վերաբերյալ, որը շատ կհետաքրքրի հանդբոլի մասնագետներին և խթան կհանդիսանա հանդբոլի նմանատիպ մասնագետներ դառնալու առումով: Բավականին լուրջ առաջարկություններ եղան հավաքական թիմերի մարզիչների կողմից` ինչպես մարզիչների երկարաժամկետ որակավորման դասընթացներին մասնակցելու, այնպես էլ լավագույն 2-3 երիտասարդ, շնորհալի մարզիկների գործուղել որևիցէ բարձրակարգ ակումբ` համատեղ ուսումնամարզական հավաքների մասնակցելու համար:

Ֆեդերացիայի նախագահի կողմից եղավ նաև հաշվետվություն անցած տարվա` տարբեր մարզադպրոցներին, մարզակումբներին, ԲՈՒՀ-երին և հատկապես տարբեր մարզերի հանրակրթական դպրոցներին մարզական գույքով ապահովելու վերաբերյալ, ինչպես նաև առաջարկեց 2020թ. մարզական գույքով ապահովել այն կառույցներին, որոնք ինչ-որ կերպ կարողացել են նպաստել հանդբոլի զարգացմանը: Կարևորագույն որոշումներից մեկն էր նաև այն հարցը, որ հանրապետությունում տարբեր գերատեսչությունների կողմից անցկացվող հանդբոլի առաջնության գլխավոր մրցավարական հանձնախումբը համաձայնեցնել ՀՀ հանդբոլի ֆեդերացիայի հետ: Եղավ նաև առաջարկություն հետագայում նմանատիպ համատեղ սեմինար-գործնական խորհրդակցություն անցկացնել նաև մրցավարական կազմի հետ: Մրցավարությունն էլ ավելի կազմակերպված և մակարդակով անցկացնելու համար եղավ առաջարկություն 2020թ. առաջնություններին թույլատրել, որպես մրցավար հանդես գալու նաև թիմերի մարզիչներին և հատկապես, զույգերը կազմելիս հաշվի առնել երիտասարդ և փորձառու մասնագետների համատեղ աշխատանքը:

Վերջում բոլոր մասնակիցների կողմից եղավ գովասանքի և ոգևորության խոսքեր անցկացված միջոցառման վերաբերյալ, և ակնկալիք, գոնե, տարեկան 2-3 անգամ նմանատիպ գործնական խորհրդակցություններ անցկացնելու մասին: