Նորություններ

Կայացան 2-րդ օրվա խաղերը

 Համահայկական 6-րդ ամառային խաղերի շրջանակում օգոստոսի 5-ին Վանաձորում տեղի ունեցան հանդբոլի երկրորդ օրվա խաղերը:

Առաջինը խաղահրապարակ դուրս եկան Ախալքալակի և Հրազդանի ներկայացուցիչները: Լարված պայքարում ընթացավ հատկապես առաջին խաղակեսը: Հրազդանի հանդբոլիստներին հաջողվեց 1 գնդակի առավելությամբ (13:12) առաջ անցնել մրցակցին: Ի վերջո, խաղն ավարտվեց 25:23 հաշվով ի օգուտ Հրազդանի:

Երկրորդ օրվա երկրորդ խաղում ուժերը չափեցին Ալավերդու և Էլ-Քուվեյթի հավաքականները: 15 գնդակի առավելությամբ հաղթանակ տոնեցին Ալավերդու ներկայացուցիչները՝ 30:15 (12:6):

Երևանցիների առավելությամբ ընթացավ Ստեփանակերտ-Երևան խաղը: Առաջին խաղակեսի ավարտին երևանցիներն առաջ էին 4 գնդակով՝ 13:9: Երկրորդ խաղակեսին Լեռնային Ղարաբաղի ուժերը տեղի տվեցին և երևանցիներն արդեն 14 գնդակի առավելությամբ հաղթանակ տոնեցին՝ 34:20:

Վերջինը խաղահրապարակ դուրս եկան Չալթրի և Վանաձորի ներկայացուցիչները: Խաղն ավարտվեց Վանաձորի հաղթանակով՝ 32:28 (16:11):

 

Օգոստոսի 6-ին տեղի կունենան հետևյալ հանդիպումները՝

11:00 Էլ-Քուվեյթ – Ախալքալակ

13:00Բուենոս Այրես – Ալավերդի

15:00 Մարսել – Ստեփանակերտ

 17:00 Երևան - Չալթր

jjj

Monday the 23rd. Pointlink.net. z1news.am Copyright @ 2009-2011 AHF.All Rights Reserved.
Copyright 2012

©


Powered by z1news.am