Մամուլը մեր մասին

Սարգիս Գրիգորյան. «Խայտառակություն է, որ սպորտի նախարարությունը խաղային ձեւերի մարզադահլիճ չունի»

Երեկ Հայաստանի հանդբոլի ֆեդերացիայի նախագահ Սարգիս Գրիգորյանը հրավիրված ասուլիսում ամփոփելով մրցաշրջան 2014-ում կատարած աշխատանքները՝ խոսեց ինչպես հաջողությունների, որոնք օբյեկտիվ պատճառներով այնքան էլ շատ չեն, այնպես էլ խնդիրների եւ հոգսերի մասին: Բանախոսի փոխանցմամբ, չնայած մարզաձեւին հատկացվող պետական աջակցությունը շատ քիչ է՝ ընդամենը 18 միլիոն դրամ, իրենք հովանավորների եւ այլ միջոցներով հայթայթում եւ ծախսում են կրկնակի գումար, որը, սակայն թույլ չի տալիս որակական առումով առաջընթաց եւ զարգացում ապահովելու համար:

«Վերջին հինգ տարիներին ֆեդերացիայի տարեկան բյուջեին ոչ մի լումա չի ավելացել, նույն 18 միլիոնն է; Եվ որքան հասկանում եմ, չի էլ ավելանալու, քանի որ խաղային մարզաձեւերին մոտեցման տրամաբանությունը չի փոխվում: Մեզ մոտ ուժեղին են ֆինանսավորում՝ ուժեղն ավելի է ուժեղանում, թույլ մարզաձեւերն էլ ավելի են թուլանում: Ասում են, թե այսպիսի մոտեցմանը դեմ են, քաղաքականությունը փոխել են: Բայց միայն խոսում են: Հասկանալի է՝ սպորտում մեկը պիտի հաղթի: Քաղաքի, Հայաստանի առաջնությունում նույնպես: Բայց ուզում ենք Եվրոպայի, աշխարհի առաջնությունում հաղթել: Ես էլ եմ ուզում: Բայց ինչպե՞ս:

Ընթերցել...

Ձգտում ենք ամեն տարի մեկ քայլ առաջ կատարել

Հայաստանի հանդբոլի ֆեդերացիայի նախագահ ՍԱՐԳԻՍ ԳՐԻԳՈՐՅԱՆԸ, ամփոփելով անցնող մրցաշրջանը, խոսեց նաեւ մարզաձեւի խնդիրների ու ակնկալիքների մասին:

  

   -Նախորդ տարվա համեմատ հաջողվե՞լ է մարզաձեւի զարգացմանն առնչվող որեւէ հարցում մեկ քայլ առաջ շարժվել:

   -Յուրաքանչյուր մրցաշրջանում նախատեսված աշխատանքների ծրագրում անպայման սահմանվում է առաջխաղացում ապահովող կետ: Նախորդ տարիների համեմատ ավելի շատ մրցումներ ենք անցկացրել՝ դրանց հաղորդելով նոր որակ եւ ընդգրկելով նոր թիմեր: 2014-ին լիարժեք կատարեցինք մեր առջեւ դրված բոլոր խնդիրները:

   -Ըստ այդմ, ո՞րն է այս մրցաշրջանի առանձնահատկությունը:

   -Հանրապետական մրցումների քանակը եւ որակը: Այս տարի Հայաստանի պատանեկան եւ երիտասարդական առաջնություններին մասնակցել է տղաների 12-ական, աղջիկների` 8-ական թիմ: Մարզիչների տեղափոխություններով պայմանավորված` որոշակիորեն փոխվել է մարզաձեւի աշխարհագրությունը: Որոշ քաղաքներում թափուր տեղեր են առաջացել, քանզի այնտեղ աշխատող մասնագետները մեկնել են երկրից: Այդ իսկ պատճառով Ստեփանավանի եւ Արմավիրի թիմերը պարապուրդի են մատնվել: Փոխարենը, թիմեր են ստեղծվել Դիլիջանում, Քաջարանում եւ Գորիսում: Վերականգնվել են Հրազդանի եւ Գյումրիի թիմերը: Իսկ Տաշիրում մեզ օգնեցին տեղացիները:

-Ճի՞շտ հասկացա, որ մարզիչների պակաս ունեք:

   -Դա մեր թիվ մեկ խնդիրն է: Այն զգացվում է հատկապես մարզերում: Փորձում ենք հնարավորինս լուծել այն. հաճախ Երեւանից ենք գործուղում մարզիչներ: Գրեթե չունենք մեծահասակների թիմերի հետ աշխատելու ունակ մարզիչներ: Բացը լրացնելու համար շատ անգամ հանրակրթական դպրոցների ուսուցիչներին ենք վերաորակավորում հանդբոլի մարզիչների: Ամեն տարի մարզիչների վերապատրաստման դասընթացներ ենք կազմակերպում: Այս մրցաշրջանում արտասահմանից հրավիրած մասնագետների մասնակցությամբ այդպիսի երկու սեմինար ենք անցկացրել:

Ընթերցել...

Հայրենի հանդբոլը կվստահվի չեխ մարզիչներին

Հայաստանի հանդբոլի ֆեդերացիան երկրում մարզաձեւի զարգացմանը նոր խթան հաղորդելու հարցում մտադիր է ապավինել նաեւ չեխ մասնագետներին: Երկու երկրների համապատասխան կառույցների միջեւ համագործակցության պայմանագիր է կնքվել վերջերս Իռլանդիայի մայրաքաղաքում տեղի ունեցած ձեռքի գնդակի եվրոպական ֆեդերացիայի համաժողովում:

  Հայաստանի  հանդբոլի ֆեդերացիայի կայքի հաղորդագրությունում նշվում է, որ «Ֆոստեր» ծրագրով համագործակցելու վերաբերյալ փաստաթուղթը վավերացրել են Հայաստանի եւ Չեխիայի ֆեդերացիաների նախագահներ Սարգիս Գրիգորյանն ու Ալեշ Պոսպիշելը: Ստորագրման արարողությանը ներկա էր ԵՀՖ ղեկավար Ժան Պրիհոլտը: «Փաստորեն» զարգացած հանդբոլ ունեցող երկիրը նպաստելու է գործընկեր կազմակերպության ուժեղացմանը: Համագործակցության կայացմանը մեծապես օգնեցին հանդբոլի եվրոպական ֆեդերացիայի նախագահության անդամ չեխ Ֆրանտիշեկ Տաբորսկին, որը մի քանի անգամ եղել է Հայաստանում, ինչպես նաեւ այդ կազմակերպության գլխավոր քարտուղար Մայքլ Վեդերերը: Ի դեպ, սա չեխերի հետ համանման ծրագիր իրականացնելու երկրորդ փորձն է: Չեխ գործընկերոջս անձամբ խնդրել եմ, որ մեզ ցուցաբերեն ոչ թե գույքային, այլ մեթոդական աջակցություն: Մեր ֆեդերացիան բացառության կարգով երրորդ անգամ է ընդգրկվել եվրոպական ֆեդերացիայի «Սմարթ» ծրագրում, ինչի շնորհիվ մարզագույքի եւ հանդերձանքի խնդիրն այլեւս լուծված է: Միջազգային ֆեդերացիան էլ հաջորդ մրցաշրջանի մրցումներին պատրաստվելու համար տրամադրելու է 250 գնդակ եւ երկու թիմի համար նախատեսված մարզազգեստ»,- Դուբլինից վերադառնալուց հետո պատմել է Ս.Գրիգորյանը:

Ընթերցել...

Սպորտի հակառակ կողմը. Հանդբոլ՝ Հայաստանում այն պարզապես կա, ավելին պահանջելն անիմաստ է

Ցավոք, խաղային մարզաձեւերից Հայաստանը միջազգային ասպարեզում չի կարողանում մեդալներ նվաճել կամ էլ դառնալ ինչ-որ մրցաշարի հաղթող: Իսկ կան մարզաձեւեր, որոնք պարզապես գոյատեւում են ու բավարարվում միայն Հայաստանի առաջնություն անցկացնելով:

Խորհրդային Միության տարիներին Հայաստանը լուրջ մրցակցություն է ծավալել հանդբոլ մարզաձեւից, սակայն այսօր այն մեր երկրում մնացել է սիրողական մակարդակի վրա:

Mediamax Sport-ն իր «Սպորտի հաառակ կողմըե նախագծի այս հոդվածում ներկայացնում է հայկական հանդբոլի խնդիրներն ու փոքրիկ ձեռքբերումները: Մենք զրուցել ենք ֆեդերացիայի նախագահ Սարգիս Գրիգորյանի, մարզիչ Արմինե Անտոնյանի ու մրցավար Ալեքսանդր Արեւշատյանի հետ:



Երբ չկա ներդրում, չկա պրոֆեսիոնալ խաղ, հետեւաբար, կա պարտություն

Հայաստանի հանդբոլի ֆեդերացիան պետական բյուջեից տարեկան ստանում է 18 մլն դրամ: Այս գումարը բավարարում է ՀՀ առաջնությունների կազմակերպմանն ու միջազգային մրցաշարերի մասնակցությանը: Իսկ ընդհանուր առմամբ, ֆեդերացիան տարեկան ծախսում է 30-45 մլն դրամ:

«Մնացած գումարը մենք հայթայթում ենք տարբեր տեղերից, հովանավորներից: Մեր հիմնական խնդիրը հենց գումարի քչությունն է, երբ չկա ներդրում, չկա պրոֆեսիոնալ խաղ, հետեւաբար, կա պարտություն: Իսկապես, մեր երկրում պրոֆեսիոնալ հանդբոլ չկա, այս պահին մեր նպատակն է մասսայականացնել մեր մարզաձեւըե,- ասում է ֆեդերացիայի նախագահ Սարգիս Գրիգորյանը:

Ընթերցել...

ՀՈՒՍԱԴՐՈՂ ԱՐԴՅՈՒՆՔՆԵՐ ԵՎՐՈՊԱՅԻ ԱՌԱՋՆՈՒԹՅՈՒՆԻՑ ԱՌԱՋ

Հայաստանի մինչեւ 19 տարեկան հանդբոլիստուհիների հավաքականը, որը նախապատրաստվում է Վիեննայում մայիսի 17-19 կայանալիք Եվրոպայի առաջնության ընտրական մրցաշարին, Թբիլիսիում հաջող հանդես եկավ ընկերական մրցախաղերում: Մեր հանդբոլիստուհիները Վրաստանի մայրաքաղաքում անցկացրած ընկերական 4 խաղերում էլ հաղթեցին`հաջորդաբար առավելության հասնելով «Կվարելիի»`30-20, «Մարտվեի»` 28-20, «Իմեդի»` 35-28 եւ Թբիլիսիի ընտրանու`30-21 նկատմամբ:

Ինչ խոսք, գրանցված արդյունքները հուսադրող են: Եվրոպայի առաջնության ընտրական մրցաշարում հայ մարզուհիներն ընդգրկված են 5-րդ խմբում, որտեղ մրցելու են Ավստրիայի, Հոլանդիայի եւ Բուլղարիայի ներկայացուցիչների հետ: Մեր ընտրանին առաջին անգամ է մասնակցելու նման մրցաշարի, իսկ մրցակցուհիները բավականին ուժեղ են:

Հայաստանի հավաքականն Անահիտ Հարությունյանի եւ Աստղիկ Գյուրջինյանի գլխավորությամբ ընտրական մրցաշարի նախապատրաստությունը սկսել է 2012-ի նոյեմբերից: Պարապմունքներն անցկացվում են ՖԻՄԱ-ի եւ «Հայաստան» մարզական միության մարզադահլիճներում:

Ընթերցել...

«Թարս» խոսող մարզուհին

17-ամյա Անուշ Բիլյանը կարողությունները փորձում է դրսևորել հանդբոլ և ֆուտբոլ մարզաձևերում: Ընդ որում, երկուսում էլ մեր երկրի բազմակի չեմպիոն է, Հայաստանի երիտասարդական հավաքանների կազմում է հանդես գալիս: Նա խաղում է հանդբոլի «Շենգավիթե, ֆուտբոլի «Քոլեջե թիմերում: Թեև սպորտն Անուշի տարերքն է, շատ ժամանակ է խլում, սակայն զուգահեռ սովորել և ավարտել է Երևանի բժշկական քոլեջը, բուժքույր է: Առայժմ նա մասնագիտությամբ չի աշխատում: Թերևս,պատճառն այնէ, որ շարունակ մարզումների, մրցումների,  միջազգային ստուգատեսների  է մասնակցում, նաև սպորտում հաջողությունները զարգացնելու ծրագրեր ունի:

Ընթերցել...

Tuesday the 15th. Pointlink.net. z1news.am Copyright @ 2009-2011 AHF.All Rights Reserved.
Copyright 2012

©


Powered by z1news.am